થોડા જ વખતમાં

થોડા વખતમાં માછલીઓ જળ વગર જીવતી થશે
થોડા વખતમાં રાત અંધારા વગર આવી જશે

થોડા વખતમાં રણ લીલ્લું છમ્મ દેખાતું થશે
થોડા વખતમાં કાચ જુઠ્ઠું બોલતાં શીખી જશે

થોડા વખતમાં આંખ ભીંજાયા વગર રડતી થશે
થોડા વખતમાં રાખ ઓઢી આગ આ પોઢી જશે

થોડા વખતમાં પૂર પાછા જવાનું જાણી જશે
થોડા વખતમાં કાંચળી ખંખેરતા ફાવી જશે

આ બાળપણ ને ભોળપણ બહુ ઝડપથી સરકી જશે
આ જીવ સચ્ચાઈ વગર જીવાવાનુંયે પામી જશે.

–
નેહા

Note: I am moving to a new location http://www.nehajoshi.com in a few days